"Quomam certum est quod venerabilis Frater Petrus  de Monte Acuto,  preceptor domus Miliciae in provincia
       et quibusdam partibus Hispaniae cum laudabili caterva Fratrum Militiae nobis astitit in exercitu qui fecimus
       contra Saracenos quando Divina Gracia coperante cepimus castrum de Ademuz et Castellum Habib et
       castellum  quod dicitur lo Corvo et castellum quod dicitur Serrella. Idcirco nos, Petrus Dei gratia Rex
       Aragonis et Comes Barchilonae bono animo ac spontanea voluntate donamus et reddimus Deo  et Beatae
       Mariae Virgini et domui Militiae Templi et Fratri Petro  de Monte Acuto preceptori  supra dicto et Fratri Poncio
       Marescalci, preceptori de Moratueto et Fratri Guillo Carelli, preceptori de Monte Sonno et Fratri Guillo de
       Monterotundo, preceptori de Garden et Fratri Arnaldo Salamino, preceptori de Oscha et Fratri Petro de
       Castronovo, preceptori de Ambel et Tarasona et omnibus aliis Fratribus domus Militiae Templi, praesentibus
       et futuris, totam civitatem  Derusae cum cuiusdam fortitudinibus cum omnibus suis terminis per terram et
       per marem heremis et populatis cum ingressibus et agressibus suis cum lezdis pedaticis usaticis et omnibus
       aliis juribus ad civitatem Dertusae pertinentibus cum aquis et pasaticis suis cum nemoralibus et silvis
      garricis pascuis montibus et planis cum omnibus castelanis et militibus et omnibus habitantibus christianis
      et iudeis mauritis praesentibus et futuris cum omnibus denique rebus mobilibus et inmobilibus ad civitatem
      Dertusae pertinentibus cum omnibus appendiciis ut dictam civitatem  Dertusae cum omnibus supradictis et
      aliis si qua inveniri aut excogitari possunt ad ipsam civitatem pertinere aut pertinere debere habeant domus
      Militiae et fratres praesentes et futuri in perpetuum et irrevocabiliter per suum precium alodium
      franchum sicut melius dici et intelligi posset ad opus Militiae et Fratrum Quicquid  dominii iuris aut
      rationis ibi haberimus vel habere deberimus quocumque modo vel titulo totum donamus vel transferimus
      in domum eorum et potestatem inducendo eos in corporalem possessionem ita quod nihil nobis retinemus
      preter dominicaturas quas ibi habemus sicut in carta inter dominum Ildefonsum Regem bonae memoriae,
      patrem nostrum et Fratres, per alfabetum divissa continetur et preter jura quaecumque ecclesiastica quae
     ad regiam pertinent majestatem. Cetera omnia in integrum ipsi domui  Militiae et Fratribus donamus et
     reddimus  integre ac sine omni dominatione ita quodammodo non habeamus nec faciamus  in civitate
     Dertusae nec terminis ejus nec in habitatoribus praesentis et futuris  quaestam neque toltam neque fortiam
     ost nec cavalicata nos nec posteritas nostra.
     Donamus et atque reddimus et tradimus in perpetuum praedictis Fratribus illas mazmudinas quae ad illud
     opus Dertusae computari solent ut habeant eas propter opus. Haec autem donatio et redditio  facta est in
     hunc modum ut  praedicti Fratres habeant et suum baiulum in civitatem quaecumque voluerint qui fideliter
     accipiat omnes redditus civitatis et terminorum suorum tam de his mnibus quae parte nostra nos ibi soliti
     sumus accipere quam de illo quinto ructum atque de omni eo quod ibi melioratum fuerit vel aucmentatum
     quocumque modo donec nobis vel cui mandaverimus praedictus baiulus medietatem fideliter  et integre sicut
     inde exierit et ipse collegerit sine omni diminutione bona fide  et sine aliquo fraude in perpetuum exceptis ,
     inquam, illis donationibus quas a nobis vel ab aliquo praedeccesorum nostrorum infra hos terminos
     adquisierit sicut in suis cartis quae inde factae sunt continetur et exceptis illis honoribus quos ibi emerarant
     vel quos ex donatione aliorum ibi adquisierant usque in diem quam  donatio Dertusae fuit facta Fratribus a
     patre nostro Ildefonso cuius emptionis et adquisitionis memoria in carta inter patrem nostrum et Frates per
     alfabetum divisa continetur. Quae omnia sicut superius scripta sunt tota integritate illis Fratribus  donamus
     et reddimus concedimus atque confirmamus preter medietatem de illo  quinto fructum de quo supradictum
     est  quam cum omnium redditum medietate retinemus eo modo quo superius continetur.
     Dominatiobus similiter honoribus et possessionibus quaecumque ipsi Fratres adquisierunt in Dertusa et
     terminis eius ab eo tempore quo pater noster dedit eis Dertusam usque in hodiernum diem et quoscumque de
     cetero adquisierint infra ipsam civitatem et terminos eius donatione emptione legato vel alio quolibet titulo
     vel modo, retinemus nobis integre medietatem excepto hoc  quod si quis pecuniam vel rem mobilem dederit
     pro helemosina praedictae domui et Fratribus  nullam partem in ea  retinemus tamen fideliter fiat. Similiter si
     nos, rex predictus, Petrus, in civitate Dertusae aut infra terminis eius aliquem honorem adquisivimus vel de
    cetero adquiremus nos vel posteritas nostra  ipsis Fratribus medietatem donamus concedimus atque 
    confirmamus. Retinemus etiam in Dertusa et terminis eius medietatem piscaturae et venationis in ea forma
    quae scripta est in carta donationis quam pater noster Ildefonsus fecit Militiae et  Fratris de civitate Dertusae
    et de Castro Archonis et de Villa Rubea quam carta consulte et cum deliberatione laudamus, concedimus et
    hac praesenti scriptura valitura perpetuo confirmamus. Mandamus et castelanis militibus et aliis habitantibus
    Dertusae et terminorum eius quod non expectata alia iussione nostra sive mandato respondeant et faciant
    dicto Fratri P. de Monte Acuto et Fratribus praesentis et futuris quidquid nobis facere  valeant sine omni
    concertatione atque contrarietate. Promittimus et convenimus ipsi Fratri P. et Fratibus praesentis et futuris
    per nos et per nostros esse  defensores guiretice de jure et de facto contra omni persona de supradicta
    donatione juxta bonum et sanum et utilem intellectum. Ad maiorem autem huius donationis corroborationem
    et perpetuam firmitatem praesentem cartam subcriptione nostra ac bulla regia fecimus insignari. Dat
    apud villam  Felicem XIII Kal. Octobris per manum Columbi, notari nostri.

                         Era M CC XL octava. Anno Divinae  Incarnationis M CC decimo.
                         Signum Petri Dei gratia Rex Aragonis et Comes Barchilonae.

                                                                        - Testes huius rei sunt:
                                                               Dompnus G. Episcopus Tarasonae.                
                                                               Garssias Romei
                                                               Exemenus Corneli                                    
                                                               Michael de Lusia , Maiordomus Aragonis
                                                               Exemenus de Ahyvar           
                                                               Arnaldus de Alaserino
                                                               Don Ladron                            
                                                               Martinus de Caneto
                                                              Atto de Foces                      
                                                              Asalliotus de Gudal
                                                              Petrus de Crevello                      
                                                              Raimundus de Monte Regali
                                                              Petrus de Falces          
                                                              Et multi alii.                                                 

    Signum Columbi domini Regis notarii qui mandato ejusdem  hoc sibi feci loco die et anno persignatis."